Atómljóð

Ein sit ég og blogga

í ofurstóru húsi

enginn vill sjá mig

nema litla lúsin

sem að felur sig

á grænu blaði

út í glugga

af henni sé ég bara skugga

ég gæli við prinsinn minn

hann verður aldrei þinn

bráðum drep ég hann

oh hvað hún kann

en ég á marga prinsa eftir

alla á ég eftir að brenna og pína

og það vil ég sína

að bráðum verð ég laus við þá

dillum dillum dá

 

Ég held að ég sé afar efnileg sem atómsljóðaskáld, að öllu forfallalausu þá gef ég út ljóðabók mína fyrir næstu jól. Þið sem að hafið áhuga fyrir fögrum ljóðum mínum getið sent inn pantanir nú þegar, ásamt 100 evrum, innifalið í því gjaldi er, að ég krota vel og læsilega nafnið mitt á fyrstu síðu.

 

 

 

 

 

 

 

 

 

 

        

Athugasemdir

[Jónína Dúadóttir, 2.11.2008 kl. 17:05]

Örugglega gott ljóð sko.... hef annars ekki mikið vit á þvíEn samt nógu mikið vit til að senda þér ekki 100 evrur

[Heiður Helgadóttir, 2.11.2008 kl. 18:35]

Ég er nú svo hissa Jónína mín, villtu ekki kaupa atómljóðabókina mína, sem að kemur örugglega út fyrir næstu jól, ég er langt komin með annað ljóð, með þessu áframhaldi get ég gefið út ljóðasafnið í næstu viku

[Heiður Helgadóttir, 2.11.2008 kl. 18:37]

En svona svo að þú haldir ekki að mikið morðæði hafi gripið mig, þá reyki ég prins sigarettur

[Sveinn hinn Ungi (IP-tala skráð) 2.11.2008 kl. 22:32]

Gott ljóð. Athugasemd 3 hjálpaði mér að skilja þetta.

[Heiður Helgadóttir, 2.11.2008 kl. 22:43]

Kærar þakkir fyrir það Sveinn ungi, maður leynir á sér ha ha ha

[Jónína Dúadóttir, 3.11.2008 kl. 06:10]

Æi það var gott að listamaðurinn skyldi útskýra ljóðið... ég hafði nefnilega dulitlar áhyggjur af prinsum í útrýmingarhættuÉg mundi alveg kaupa bókina en eru 100 evrur ekki dálítið gróft fyrir mig... ég bý á Íslandi

[Gudrún Hauksdótttir, 3.11.2008 kl. 07:36]

Athugasemd 3 gaf mér til kinna ad tú værir ekki mordód og vildir ekki drepa mann og annann.Sjúkk hvad mér létti.

Annars bara gott ljód hjá tér.100Evrur  ég er á launum frá íslandi .Tad skýrir allt.

Knús á tig.

[Heiður Helgadóttir, 3.11.2008 kl. 14:05]

Eins gott að ég leiðrétti þetta með prinsana, áður en að þið siguðuð löggunni á mig. Ég skil ósköp vel að 100 evrur er svolítill peningur, en er ekki hægt að slá lán, bæta við þjóðarskuldina Óska ykkur öllum góðs og ánægjulegs mánudags

[Guðni Karl Harðarson, 3.11.2008 kl. 17:42]

Prinsinn minn Prinsinn þinn

í pakkanum varstu lúna

slökktu nú í eina sinn

i sígrettunni  núna

bara einstökstaka

[Heiður Helgadóttir, 3.11.2008 kl. 18:52]

Guðni Karl, þú ert heljarinnar skáld, eigum við að gefa út saman, eins og eina ljóðabók fyrir jólin

[Óþekktur Nafnlausson (IP-tala skráð) 3.11.2008 kl. 22:12]

Þetta er gott ljóð.

Ég skal kaupa ljóðabók af þér á 100 evrur í ígildi gamallra króna.

[Heiður Helgadóttir, 4.11.2008 kl. 10:34]

Óþekktur, því miður vinurinn, af vissum ástæðum tek ég bara á móti beinhörðum evrum.

[Sigríður Sigurðardóttir, 4.11.2008 kl. 20:11]

Váv, ég var orðin logandi hrædd um að "raðmorðingi" væri einn af mínum bestu bloggvinum...svo voru þetta bara "líkkistunaglar".  En ekki galið ljóð...húmor í því.

[Heiður Helgadóttir, 4.11.2008 kl. 20:59]

Þakka þér fyrir það Sigga mín. Þetta var nú mitt fyrsta ljóð, og kannski síðasta