Af hverju er kallin ekki kominn kæru bloggvinir, eftir hverju eruð þið að bíða

Og það er kominn þriðjudagur, mikið líður nú tíminn fljótt, áður en að ég veit af verð ég orðin kelling komin á aldur, sitjandi með fjarstýringu í þægilegum stól, horfandi á allar "sápur" sem að ég geri ekki í dag.

Hér í Malmö er þetta venjulega gráa veður, og rigningarsuddi, gott er nú að losna við fjandans rokið.

Ég er í löngu fríi, þar sem að ferjan mín er í Gautaborg í slipp, við fengum að velja starfsfólkið hvort að við vildum fara með, og dunda okkur við hreingerningar, en löt erum við, ekkert af okkur hafði áhuga fyrir því, völdum að vera heima hjá okkur, og nota kraftana í hreingerningar heima hjá okkur, en ég verð nú að viðurkenna að fríið hjá mér hefur farið í allt annað en að hreingerningar, en ég á nokkra daga eftir.

Ég er ekki búin að gefa upp alla von um að bloggvinir mínir sendi mér kall, mér svona datt í hug hvort að einhver af bankaköllunum þyrfti að flýja land, með margar millur í trillunni sinni, hann er velkomin til mín, og getur svo sem fengið að vera svo lengi sem að einhverjar millur eru eftir, og um leið þarf hann að vera duglegur í tiltektum og þvottum.

Hef ekki tíma fyrir meira blogg, en heilsa uppá ykkur eftir hádeigi.

Athugasemdir

[Jacky Lynn, 4.11.2008 kl. 13:04]

Þar sem að ég þarf að notast mikið við orðabók þegar ég skrifa á Íslensku, tók það mig langan tíma að skilja hvað þú áttir við með "Millur"..... ég hélt fyrst að þú værir að tala um "Myllur" og var alls ekki að sjá fyrir mér Myllur um borð í Tryllu !!?

Jacky Lynn

[Jónína Dúadóttir, 4.11.2008 kl. 13:46]

Hérna er einn :"" en hann á ekki tryllu og engar millur

[Guðný Einarsdóttir, 4.11.2008 kl. 18:45]

Humm,

[Heiður Helgadóttir, 4.11.2008 kl. 18:53]

Jacky Lynn, ég er sjalf orðin afar léleg í málinu okkar, en millur eru milljónir, og trillur eru víst smá ferðatöskur á hjólum. Ég hef þessa visku um trillurnar frá systur minni, sem að er alltaf með trillu þegar að hún kemur til mín. Vonandi er ég að fara með rétt mál.

Jónína mín, þakka þér fyrir kallinn, en í augnablikinu vil ég helst kall með margar miljónir í trillunni sinni.

Guðný, ég skil að þú ert orðlaus.

[Sigríður Sigurðardóttir, 4.11.2008 kl. 20:13]

  Heidi mín, "billjónakarlarnir" virðast allir vera burtfluttir til Borneo, Bahamas eða Timbuktú !  Sorry, en hef augun áfram opin! 

[Heiður Helgadóttir, 4.11.2008 kl. 21:03]

Endilega hafðu augun opin, nú eru jólin að nálgast, væri gott ef að hann drifi sig í jóla hreingerningarnar hjá mér.