Verst að vera ekki með í mótmælunum

Stundum er ég virkilega svekkt yfir að búa ekki heima á Íslandinu mínu, ef að ég væri búsett þar, þá hefði ég getað mætt í mótmæli alla laugardaga, ég hefði haldið á stóru spjaldi fyrir framan mig. Á því hefði til dæmis staðið "BURT MEÐ DABBA; TAKIÐ MIG Í STAÐINN", eða "TIL FJANDANS MEÐ ALLA RÍKA, INN MEÐ FÁTÆKA; GAMLA OG HEIMILISLAUSA", ég hefði gert lukku held ég.

 Svo hefði verið hressandi að fá sér góðan kaffisopa eftir vera búin að mótmæla óréttætinu, ekki hefði skaðað að fá nýbakaða ástarpunga með kaffinu.

En ég dáist að fólki sem að hefur kjark og dug til að mæta þarna, og vona ég að árangur hafist af þessu öllu saman.

Hér í Malmö er hið besta veður, sólin var eitthvað að glenna sig hérna í dag, ég setti upp sólgleraugu og fór í göngutúr. Fékk þær góðu fréttir í dag að ferjan okkar er ekki búin í slipp, þannig að margir frídagar eru eftir hjá okkur á minni vakt. Ekki amalegt að vakna heila viku í viðbót í eigin rúmi, og nú á ég við að losna við að sofa um borð á vinnustaðnum mínum, svona ef að einhverjir halda nú eitthvað annað.

Óska ykkur góðs laugardagskvölds öllum saman

Athugasemdir

[Jónína Dúadóttir, 9.11.2008 kl. 07:05]

Flott slagorð hjá þér, þú hefðir sko gert lukkuMikið er ég glöð með þér að þú skulir fá lengra fríSegðu mér af Dobra vini þínum... kláraði hann einhvertímann ?

[Sigríður Sigurðardóttir, 9.11.2008 kl. 13:51]

  Fín slagorð, en betra held ég að spara eggin í jólasmákökubaksturinn.  Varð ekki maður frægur hér um árið fyrir að sletta "skyri" á þingmenn og klerka við alþingissetningu?  Eigum áreiðanlega nóg af gallsúru gömlu skyri til að skella á veggi spillingabælisins þarna niðri á Austurvelli....ala Helgi Hóseason!

[Heiður Helgadóttir, 9.11.2008 kl. 21:32]

Jónína, þú skilur að ég er svekkt yfir því að hafa ekki getað verið þarna.

Sigga mín, hann var nú nokkuð góður sá gamli sem að sletti skyrinu, frábærir svona personuleikar.