Um hitt og þetta á miðjum mánudegi

Þá er kominn mánudagur, mörgum finnst mánudagur vera leiðindadagur, mér finnst mánudagar ekkert leiðinlegir, kannski er það vegna þess að vinnuvikan hjá mér byrjar á miðvikudögum, og þar að leiðandi finnst mér miðvikudagar vera leiðindadagar.

Ég er búin að sitja við lestur hinna og þessara á blogginu, margt skemmtilegt fólk lætur í ljósi skoðanir sínar. Auðvitað er mikið skrifað um hann Davíð, ég hef svo lítið vit á þessum málum, og þori alls ekki að skrifa um þessi vandræðamál, verð samt að viðurkenna að ég er alveg hissa á því hvað hann Davíð er góður á tauginni, ég væri fyrir löngu lent inni á hæli stútfull að róandi pillum, ef að ég væri í hans sporum.

Margir góðir pennar eru hérna á blogginu, en það sem að kemur mér á óvart er að það virðist vera einhverskonar skítkast í gangi, þetta hef ég orðið vör við þegar að ég les athugasemdirnar hjá bloggurum. Ég get alls ekki skilið ánægjuna í að vera að hnýta í hvort annað hérna, við erum ákaflega misjöfn eða mislitur hópur, og engin ástæða til annars en að taka tillit til þess, allir hafa rétt til þess að láta í ljósi skoðun sína, svo lengi sem að ekki er farið út í persónulegt skítkast.

Nú er ég þurrausin, læt þetta gott heita. Óska öllum góðs dags.

 

Athugasemdir

[Jónína Dúadóttir, 9.2.2009 kl. 16:10]

Ég get alveg haft aðra skoðun en einhver og sett hana fram, án þess að vera með leiðindiOg fyrst ég get það, þá geta allir það

Eigðu góðan dag ljúfan mín 

[Heiður Helgadóttir, 9.2.2009 kl. 16:48]

Við erum á sömu bylgjulengd Jónína mín

[Tiger, 9.2.2009 kl. 16:57]

  Uss já .. ótrúlegt skítkastið sem maður les sumstaðar. Satt að maður getur vel komið sínum skoðunum á framfæri í bloggi eða athugasemdum án þess að vera með leiðindi eða ljót orð ..

Knús í þitt hús skotta ..

[Heiður Helgadóttir, 9.2.2009 kl. 18:51]

Þakka þér fyrir það kæri Tiger, en að vera með einhver persónuleg leiðindi hérna á ekki að eiga sér stað. Ég les það sem að þú skrifar á hverjum deigi, þú ert einn af mínum uppáháldsbloggurum.

[Auður Proppé, 9.2.2009 kl. 19:52]

Alveg sammála þér Heiður, góður pistill.  Þetta er leiðindar ávani að vera með skítkast á aðra bloggara, oft undir rós. 

[Heiður Helgadóttir, 9.2.2009 kl. 21:44]

Gaman að við erum sammála Auður, enda engin ástæða til að eiða æfinni í óþarfa leiðindi, lífið er alltof stutt. Þakka þér fyrir innlitið væna