En veðrið er gott

Ég hef ekki haft mikinn tíma til að blogga, og ennþá minni tíma fyrir lestur bloggs. Ástæðan er sú að mikið hefur verið að gerast í vinnunni hjá okkur, salan hjá okkur er ákaflega góð reiknuð í prósentum, en þrátt fyrir það eru uppsagnir, og eru margir af mínum góðu vinnufélögum búnir að skrifa undir uppsögnina sína.

Þetta skapar mikla óró hjá okkur öllum, ég geng með hnút í maganum, sá sem að ég vinn mest með, var látinn skrifa undir í morgun, piltur sem að er bæði duglegur og samviskusamur, einn af þeim bestu hjá okkur.

En veðrið er gott hjá okkur á Skáni, blessuð sólin er farin að líta til okkar öðru hvoru, og eiginlega er orðið svolítið vorlegt, fuglasöngur og svei mér þá ef að grasið er ekki orðið grænna.

Í kvöld fer ég heim til Íslands, flug frá Kastrup, alltaf er gaman að rölta um á Kastrup, en verðin eru ekki til að leika með, og ekki hefur það batnað við lækkun sænsku krónunnar, en einn danskur hundraðkall kostar 150 sænskar krónur.

Ég læt þetta gott heita.

Athugasemdir

[Jónína Dúadóttir, 18.3.2009 kl. 17:58]

Vona að þú haldir vinnunni mín kæraEigðu góða flugferð og góða skemmtun

[Gudrún Hauksdótttir, 20.3.2009 kl. 07:45]

Vonandi heldur tú tinni vinnu kæra Heidi mín.Góda ferd til Ìslands.Mig langar líka svo mikid ad skreppa en get ekkki farid núna.

KNús til tín.