Og þá er ég komin til Spánar

Þá er ég komin til Spánar, nánar tiltekið þá er ég í Torrevieja. Fyrsti dagurinn var sólarlaus, en í dag og í gær var hið besta veður, og hugað fólk lá á ströndinni.

Ég lét mér nægja að sitja við ströndina, og horfa á fólkið sem að gekk eftir strandgötunni, þrátt fyrir gott veður þá voru flestir vel klæddir í þykkum jökkum og kuldaskóm.

Áberandi eru þeldökku mennirnir sem að eru að selja sólgleraugu og klukkur, þeir eru eins og flugur út um allt, og bregðast stundum illa við þegar að ég nenni ekki að skoða klukkur eða sólgleraugu, þessir náungar eru ekki löglegir í landinu, og fleita sér áfram á sölu alls kyns dóts, sem að þeir bera með sér, oftast í plastpokum, til að geta hlaupið fljótt þegar að lögreglan kemur í eftirlitsgöngum sínum á strandgötunni.

Það er lítið um að vera í flestum fata og skóbúðum sem að ég hef komið inn í. Ég tala við ungan spánverja, hann ber sig illa, "þessi bölvaða kreppa" seigir hann, en hér á Spáni er talin vera 15% atvinnuleysi, margir eru í erfiðleikum með að láta enda ná saman, ástandið er afar slæmt, sagt er að nú sé hægt að gera góð kaup í íbúðum og húsum fyrir þá sem að eiga peninga.

Ég hef ekki keypt svo mikið í matinn , en keypti ávexti, ost og brauð, ávextirnir voru dýrir, osturinn svipað verð og í Svíþjóð, en brauðið á helmingi lægra verði en í Svíþjóð.

En veðrið svíkur engan, á morgun ætla ég að rölta á föstudagsmarkaðinn, þar er oftast mikið fólk, mikill hávaði í öllum, en spánverjar eru ansi háværir, stundum held ég að fólk sé að rífast, þá eru það ósköp normalar umræður um daginn og veginn.

Læt þetta gott heita frá Spáni.

Er hann að borga fyrir gamlan ost

Er hann að gera þetta fyrir almenning, að opna búðir með vörum á sanngjörnu verði, eða er hann að hefna sín á Baugs feðgum, og borga fyrir gamlan ost. Er þá Jónína í þessu dæmi hjá honum, hún hefur hingað til átt mikið ósagt um Baugs feðgana, ef að ég hef skilið dæmið rétt.

Hyggst stofna lágvöruverðsverslun

Rabb um allt mögulegt og ómögulegt

Nú er ég óðum að hressast af þessari flensu minni, er að verða ég sjálf aftur, er hætt að halda til í rúminu, nema auðvitað á nóttunni, ósköp er nú alltaf notalegt að vera í eigin rúmi svona öðru hvoru, til að leiðrétta væntanlegan misskilning þá þarf ég að sofa í vinnunni minni, ég er ekki sofandi hjá út um allan bæ, svona ef að einhverjum datt það í hug.

Ég er búin að lesa helstu fréttir í Mogganum, DV og Vísir. Verð að viðurkenna að mér brá þegar að ég las dánarfrétt Rúnars Júlíussonar, þessa frábæra manns, sem er dáinn langt fyrir aldur fram, ég hélt alltaf uppá hann, og svo fannst mér hann vera svo sexí maður.

Ég rakst á blogg um sölu á hlutum frá Tíbet, virtist vera sem að 10% af sölu yrðu send til líðandi í Tíbet, af einhverjum ástæðum datt mér í hug hvort að ekki hefði verið betra að senda þessi 10% til íslendinga utanlands, sem að virðast vera í stórkostlegum fjárhagsvandræðum, eftir að kreppan margumtalaða skall á og einhverjir eru jafnvel að verða heimilislausir, þar sem að þeim tekst ekki að borga húsaleigu.

Ég er sem betur fer í góðri vinnu, þó að launin séu léleg, en get rétt ímyndað mér örvæntinguna við að vera að missa heimilið sitt, að spara við sig í mat er létt, en hér er fólk rekið á götuna ef að leigan er ekki borguð á réttum tíma.

Hér í húsinu mínu gengur allt sinn vanagang, ég fæ morgunblaðið inn um bréfalúguna frá nágrönnum mínum. Hans á fyrstu hæðinni er búinn að raka af sér Hitlers skeggið, hann er síbrosandi þessa dagana, enda kominn með yndisfagrar og mjallahvítar tennur, hann gæti tekið þátt í tannkrems auglýsingu og bæri af þar.

Hjúkkan á þriðju hæðinni er grunuð um græsku, hún er greinilega að reyna að komast í vinfengi við annan eiganda hússins okkar, hjá honum sem að er ekkjumaður og drekkur bara lítil vínglös. Gunnel og Hans gruna hjúkkuna um að vera að semja um lægri húsaleigu, og að þess vegna láti hún líkindalega við húseigandann, ég bað þau um að fylgjast vel með þessu, og fannst mér nú að þau gætu boðið hjúkkunni í kaffi, svona til að fá nánari upplýsingar. Ég hef svo lítinn tíma í njósnir, en ef að þau hafa rétt fyrir sér, þá verðum við hin sem að búum hérna að láta vel að hinum eigandanum.

Og nú læt ég þetta gott heita.

 

Smá blogg á föstudagsmorgni

Jæja kominn tími á smá blogg. Ég er búin að liggja helsjúk í rúminu í heila tvo daga, trúlega þessi bansetta inflúensa, ég hef sofið og horft á sjónvarpið, og um leið vorkennt sjálfri mér, þar sem að það er enginn annar sem að gerir það.

Tek sem dæmi, þegar að fólk hringir til mín og ég svara með veiklulegri rödd minni, þá hefur enginn áhuga fyrir inflúensunni minni, fólk lætur móðan mása um ómerkilega hluti eins og kreppu og jólagjafir, í stað þess að ræða um veikindi mín, mér finnst nú að það sé nú hægt að forvitnast um hversu margar verkjatöflur ég sé búin að taka inn undanfarna tvo daga, eins hvort að ég drekki mikið vatn, og ekki hefði nú skaðað ef að einhver hefði viljað vita hvort ég væri búin að svitna mikið.

Nei fólk er hætt að taka tillit til hvors annars. En vegna þessarar pestar minnar þurfti ég að fresta Spánarferð minni fram á þriðjudag, átti annars að öllu forfallalausu að fara í fyrramálið.

Ég átti afmæli fyrir nokkrum dögum, og héldu vinnufélagar mínir vel uppá það, puntuðu baðherbergið mitt með borðum, blómum og vínflöskum, ég fékk minni háttar sjokk þegar að ég opnaði baðherbergishurðina um morguninn, og á klósettinu var flottur jólapúði, ekki veit ég hvort að þeim fannst ég vera orðin svo hrum að ég þyrfti eitthvað mjúkt til að setjast á þegar að ég er búin í sturtunni á morgnana. En þetta var ósköp sætt af þeim, og var gert í skjóli næturinnar við mikið fliss, og um leið hræðslu um að kellingin vaknaði mitt í öllu saman og kæmi skjögrandi inn á klósettið. Við erum nefnilega sí pissandi á ferjunni, og viljum kenna mikilli vatnsdrykkju og titringinum um.

Læt þetta gott heita í bili.

Þvílíkur viðbjóður

Þetta er til háborinnar skammar, maðurinn misnotar sér fötlun stúlkunnar, og fær 18 mánaða fangelsi, hann hefði átt að fá lífstíðar dóm, og mynd af sér í öllum blöðum, svo að fólk gæti forðast hann.

 

18 mánaða fangelsi fyrir kynferðisbrot

Ekki veit ég hvort að þessi dómur...........

Ekki veit ég hvort að þessi dómur kom mér á óvart. Það er hefur alltaf verið gerður mikill munur á honum Jóni og Séra Jóni.

 Venjulegi Jóninn hefði verið talinn vera dónakall, en Sérann er bara yfirfullur af straumum, er svona að velta fyrir mér hverskonar straumar það voru, voru það helgir straumar sem að þjáðu hann.

Um leið á ég erfitt með að trúa því að unglingsstúlkur hafi verið að gera úlfalda úr mýflugu í þessum kærum, ég held ekki, þeim hefur þótt þetta vera bæði óþægilegt og pínusamt, að presturinn lét svona við þær, enda óskaplega ósmekklegt af presti að haga sér svona við óharðnaða unglinga.

Sýknaður af ákæru fyrir kynferðisbrot

Hún vissi hvað hún söng

Hún vissi hvað hún söng sú gamla. Karlmannsleysi hefur aldrei drepið neinn, og hófleg drykkja er nú bara góð fyrir heilsuna, ég man eftir viðtali við gamlan mann, hann var farin að nálgast 100 árin, og þakkaði sínum háa aldri og góðu heilsu því, að hann fékk sér matskeið af koníaki á hverjum deigi. Ekki man ég hvort að hann hafði nokkurn tíma átt konu, ef svo var þá var hún löngu dáin, enda hafði hún þá hvorki verið karlmannslaus, eða fengið að smakka á koníakinu.

Þakkaði langlífið koníaki og skírlífi

Frábær fyrrverandi forseti

Þarna sagði Vigdís sönn og rétt orð. Ég var alltaf stolt af þessari fallegu konu þegar að hún var forsetinn okkar. Betri þjóðarkynningu en hana gátum við íslendingar ekki fengið á sínum tíma.

Ég sem að er búsett erlendis varð oft vör við að fólki fannst mikið til þess koma, að kona væri forseti í litla landinu okkar, margir mundu nafnið hennar, þó sérlega karlmennirnir, en það var vegna þess að þeim fannst hún vera svo hugguleg, og hún var allstaðar erlendis til mikils sóma fyrir landið okkar.  

„ Særandi að vera sakaður um glannalegar athafnir “

Lét sig hverfa með 12 milljarða

Mér svona datt í hug hvort að hann væri búinn að vera á námskeiði hjá löndum mínum.

Danskur forstjóri stakk af með 12 milljarða

Vargastefna..............................

Ja hérna, mikið gengur á í litlu Reykjavík, ekki veit ég hvað mér finnst um þetta allt saman, en var konan að tala í alvöru, var ekki þetta eitthvað leikatriði hjá henni. Annars er gott að fólk lætur í ljósi vanþóknun sína á ástandinu.

Vargastefna við Stjórnarráð