Svona um daginn og veginn

18.9.2008 | 09:35

Sit hérna með kaffið mitt og blogga eins og að ég fái borgað fyrir það, þess á milli les ég annarra blogg, sem að eru oft á tíðum stórskemmtileg.

Ég les hvað hún sem að alltaf er í strætó skrifar, óskaplega góður penni, stundum skrifar hún um ekki neitt, þannig að það verður samt heilmikið.

Mikið skrifar hún um flóttafólkið á Akranesi þessa dagana, og er það fróðlegur lestur, og virðist vera sem að stuðningsfólkið hafi tekið flóttafólkið inn í hjörtu sín, og er ekkert annað en gott hægt að seigja um það, og vonandi að flóttafólkið eigi eftir að semja sig Íslenskum siðum, og una sér vel í okkar kalda landi.

Mikið er gert fyrir þetta fólk, og get ég ekki að því gert að mér dettur svona í hug, hvort að jafn mikið sé gert fyrir okkar fólk sem að miður má sín og hafa farið undir í lífinu, og nú á ég við heimilslausa fólkið okkar, það fer að verða kalt að hýrast á götum borgarinnar, vonandi fær það gefins skjólflíkur, og jafnvel matarbita öðru hvoru.

Hér í Svíþjóð er líka farið að kólna, haustlitirnir eru komnir, fallegustu litir sem að til eru, og varð ég vör við í búðarrápi mínu í gær, að haustlitirnir eru líka komnir í haust tískunni, það lá við að ég freistaðist til að kaupa jakka í yndislegum gulum lit, en þar sem að ég læt ekki allt eftir mér, þá fór ég jakkalaus heim.

Um leið og ég skrifa þetta, þá hlusta ég á stjórnmálafólkið í sjónvarpinu, og mér svona datt í hug, hvort að skilyrði fyrir góðum stjórnmálamanni væru, að vera afar lyginn maður.

Meginflokkur: Lífstíll | Aukaflokkar: Bloggar, Bækur, Dægurmál | Breytt 19.9.2008 kl. 07:41 | Facebook

Athugasemdir

Ég held að annað hvort ertu lyginn og ferð þá út í stjórnmál eða þá að þú verður lyginn af því að vera að vasast í stjórnmálum

Jónína Dúadóttir, 18.9.2008 kl. 09:52

Jónína, þetta er trúlega nokkuð rétt hjá þér.

Ditta, hef grun um að mikill sannleikur sé í þínum orðum.

Heiður Helgadóttir, 18.9.2008 kl. 15:39

Helga skjol, 18.9.2008 kl. 17:32

Sæl Heidi Helga.

Já, Bloggheima-lestur víkkar sjóndeildarhringinn og fær mann til að hugsa um menn og málefni sem annars hefðu ekki komið í blöðum,nema af því að BLOGGIÐ er til staðar.Góðar stundir.