Um allt og ekkert

Ég ætla ekki að blogga um kreppu, erfiða tíma, peninga, jólaundirbúning eða sjúkdóma. ég held að ég bloggi bara um létta og ómerkilega hluti í dag.

Ég sá í heimsókn minni á netsíðum DV að ungir og myndarlegir menn afar vöðvamiklir, unnu sem þjónar á konukvöldi, þeir voru hálfberir(allt í lagi með það), örugglega gaman fyrir konukvöldskonurnar að sjá velvaxna menn svona einu sinni. En ekki nóg með það, þessir ungu menn voru búnir að sprauta súkkulaði á fagurlega byggða efrihluta sína, ég fór að velta fyrir mér til hvers það væri gert, áttu konukvöldskonurnar að smakka á súkkulaðinu þegar að líða fór á kvöldið.

Ég las um hvað það væri mikill vandi að synda í laugunum heima, ef að þú syndir fram og til baka, þá tekur þú of mikið pláss, æskilegt er að synda í hring(eins og bókstafurinn O), það er vandlifað, ég sjókonan varpaði öndinni léttar yfir að vera blessunarlega laus við svona vandamál, enda illa synd, og ofan á það vatnshrædd, fer nú samt í bað öðru hvoru.

Ein af Sex and the City stjörnunum bendir á ráð við flugþreytu, og það er að vaka lengi, skemmta sér og svo að stunda kynlíf. Ég er að velta fyrir mér hvort að hún laumi á góðum ráðum við flughræðslu. Ef svo er þá má hún alveg hafa samband við mig. 

Athugasemdir

[Kristín Katla Árnadóttir, 12.11.2008 kl. 10:28]

Gott hjá þér að blogga um skemmtilegt .

[Jónína Dúadóttir, 12.11.2008 kl. 13:04]

[Kristín Gunnarsdóttir, 12.11.2008 kl. 13:55]

Það hefur örugglega verið gaman á konukvöldi, ég hefði nu samt ekki viljað sleikja af þeim súkkulaðið.

Knus

[Guðný Einarsdóttir, 12.11.2008 kl. 19:25]

Var þetta kroppa-súkkulaði??

[Heiður Helgadóttir, 12.11.2008 kl. 23:10]

Katla mín, þakka þér fyrir það

Jónína mín, táknar þetta að þú sért sammála

Kristín, veit ekki hvort að það átti að sleikja af þeim súkkulaðið, það var ekki minnst á það

Guðný, er kroppasúkkulaði til, hverjir framleiða það Nói/Sirius, kannski tilvalin tækifærisgjöf

[Helga skjol, 13.11.2008 kl. 06:28]

[Sigríður Sigurðardóttir, 13.11.2008 kl. 16:34]

  Já synda í hringi, segir þú vinkona.  Jæja það er ekki von á öðru í hringavitleysis dansi yfirvalda í kreppunni!

[Heiður Helgadóttir, 13.11.2008 kl. 17:35]

Já, það er vanlifað stelpur mínar, þakka innlitið Helga og Sigga