Bloggleti

Þar sem að ég er búin að þjást af bloggleti, og um leið verið löt að lesa öll blöð, bæði sænsk sem íslensk, þá hef ég ekki látið ljós mitt skína hér á Moggablogginu, ég held nú varla að mín hafi verið sárt saknað, en ætla samt að reyna að koma einhverju af viti frá mér.

Hér í Svíþjóðinni er alltaf sama gráa vetrarveðrið, það liggur við að ég sé farin að óska þess að það komi smá snjór, þó ekki væri nema í einn dag, reyndar kom smá föl hérna fyrir nokkrum dögum, en þá var ég í miklum vinnu önnum, og hafði engan tíma til að fara í land, með snjónum kom mikil hálka og urðu ótal árekstrar og fjöldi fólks datt á götum borgarinnar, þeir óheppnu brutu eða brákuðu bein, hinir sluppu ómeiddir.

Á laugardaginn var ég ásamt vinkonu minni á kappreiðum, sem að eru haldnir hér í Malmöborg öðru hvoru, óskaplega mikið fólk mætti á staðinn, ekki veit ég hvort að margir af þeim sem að stóðu í kring um okkur fóru sem nýríkir heim til sín, við tilheyrðum ekki þeim hóp, okkur tókst að velja alla hesta sem að ekki unnu, og var það þó nokkur vandi, þannig að við fórum fátækari heim en við komum,  en áttum skemmtilegan dag.

Nú slæ ég botninn í þetta.

Athugasemdir

[Jónína Dúadóttir, 1.12.2008 kl. 07:22]

Þín hefur víst verið saknað

[Heiður Helgadóttir, 1.12.2008 kl. 07:23]

Alltaf jafn elskuleg Jónína mín

[Jónína Dúadóttir, 1.12.2008 kl. 07:51]

Ekkert elskuleg neitt... bara að segja satt

[Heiður Helgadóttir, 1.12.2008 kl. 16:55]

Alltaf jafn sæt